TANZANIA: COVID-19 IRABICA BIGACIKA|| YADUKIYE ABIHAYIMANA||

Ubuyobozi bwa Kiliziya Gatolika muri Tanzania buramenyesha ko mu mezi 2 gusa bumaze gupfusha abapadiri bakabakaba 25, ababikira bagera kuri 60 bazize kunanirwa guhumeka.

Umunyamabanga mukuru w’Inama y’Abepisikopi muri Tanzania, TEC Charles Kitima yagaraje ko Kiliziya yapfushije aba bantu mu minsi 60 gusa.

Charles Kitima yabigarutseho kuri uyu wa Gatatu 03/03/2021 mu kiganiro yagiranye n’itangazamakuru kibanze cyane ku cyorezo cya CORONA VIRUSI irimo kwisasira benshi muri iki gihe. Yavuze ko izi mpfu zose zagaragaye kuva mu kwezi k’Ukuboza 2020 na Gashyantare 2021.

Charles Kitima yashishikarije abantu gukomeza kwirinda. Yagize ati “Mukomeze kubahiriza ingamba n’amabwiriza yo kwirinda iki cyorezo binyuze mu kubahiriza amabwiriza ya Minisiteri y’Ubuzima. Yakomeje agira ati: abapadiri n’ababikira bari gupfa, ariko mu mezi abiri uyu mubare natwe waradutunguye dushingiye ku kuba Guverinoma yarashyize imbaraga mu nzego z’ubuzima bigamije kuhangana na covid-19.”

Ku ruhande rwayo, Kiliziya Gatolika muri Tanzania yamaze gutanga amabwiriza n’ingamba ku bapadiri n’abasenyeri bo muri diyosezi zose z’igihugu ajyanye n’uko bakwiye kwirinda COVID-19.

Covid-19 ikomeje kuba covid, ninde uzayirokoka? Igige kizabisobanura.

No Comments, Be The First!

Your email address will not be published.